7 أسرار لتأثيت الغرف الصغيره

بنتكلم عن تأثيث الغرف الصغيره وبفترض انها غرفه نوم ومعيشه في نفس الوقت وعايش فيها اكثر من شخص 

اول نقطه : نعرف مساحه الغرفه مساحه الطول والعرض مساحه الكنبه المقترحه قد ايش تاخد مساحه ، نحسب مساحه الطاولات في الاماكن الصغيره مهمه المساحات عشان لاتكون لاصقه في بعض كأنها مرصوصه رص ولا تكون متباعده كأن الغرفه مو مأثثه

 في الصورتين انسب فكره بحيث تكون جلسه زي الكنب وتكون سرير وقت النوم طبعاً مانتقيد بشكل نقدر نبدع بس هنا صور توضيحيه للافكار

  

ثاني شي : كم حاجه كبيره افضل من اشياء كثيره صغيره تبين المكان غير مرتب هنا المقصد الفازات والاكسسوارات  

بروازين كبار افضل من ٥ صغيره ، نبته متوسطه افضل من كثير صغيره 

لان المكان صغير الاشياء الكثيره ماتكون مريحه للعين وتعطي ايحاء بأن المكان مزدحم .

ثالث شي : الساده هوا الاساس والمشجر ثانوي الجدار افضله يكون ساده او يحتوي ع مرايات بدل البراويز او ورق الجدران 

لان المشججر بيضيق المكان او بيخلينا نمل منه لانه مكان صغير لعده استخدامهات 

اذا كان في دواليب من الافضل تكون سحاب وفيها مرايات في الصوره الدواليب بنفس الفكره لان المرايا تعطي اتساع وكمان السحاب يوفر مساحه في الغرفه اكثر من الابواب العاديه

خامس شي : خزين تحت الكنب هذي سلاح ذو حدين مراا كويسه في انها ترتب المساحات الصغيره 

زي مثلاً الملابس الشتويه تكون تحت الكنبه او اللحف الزايده او حتى الشنط وعيبها ممكن تكون محل مناسب للقرابع والتخرين الي ماله داعي

سادس نقطه : الطاولات الجانبيه من الافضل يكون فيها ادراج منها للاشياء الضروريه زي الكمدينو ومنها شكلها حلو لمن نكون جالسين ونستخدمها لتقديم

سابع شي : الاساس فاتح الي هي الارضيه والبويه والاكسسوار غامق مثال الكنبه اخضر غامق او بني اوموف قاتم او اسود والاكسسوارات ملونه او افتح اول شي المكان الصغير متعدد الاستخدام كثره الروحه والجيه علي تغير من لونه وجودته حتى لو مافي اطفال كثره الاستهلاك نفس الكنبه مثلاً تكون لنوم وتكون للجلسه والاستقبال والمذاكره اكيد عمرها الافتراضي بيكون اقل من الكنبه الي مخصصه لشي واحد فهنا نحتاج شي اقوى ولون يتحمل ونغير بكيفنا في الاكسسوار لاحظي الصور اغلب الكنب بأللوان حياديه والتغير في الاضافات